|
DE SANCTO
DONATO
In nomine domini Dei et
salvatoris nostri Jesu Christi.
Regnante domno Carolo,
eccellentissimo rege Francorum atque Longobardorum, anno
regni eius in Italia, Deo propricio, quinto.
Ego, in Dei nomine, Hildeprandus
gloriosus et summus dux ducatus Spolitino, donamus atque
concedimus in monasterio Sancti Vincencii levite et martyris
Christi quod situm est in territorio Benventano, super
fluvio Vulturno, ubi Josue venerabilis abbas regimen tenet
AECCLESIAM SANCTI DONATI IN TERRITORIO COMINO, cum terris et
montibus ubi ipsa aecclesia edificata est, et mons ipse
nominatur Pezzullu, habente fines: prima parte per cilium
montis, et descendit per serra, quae nominatur Traversa;
secunda parte via antiqua, quae dicitur Marsicana; tercia
parte via, quae vadit prope aecclesia Sancti Felicis; quarta
parte riagine, quae descendit inter hunc montem et montem
qui dicitur Aceru.
Quam et donamus in iam dicto
monasterio ipsum campum et terram, quae vocatur Valle Bona,
coniuncta cum predicta via et monte aciro, atque concedimus
in predicto monasterio aecclesiam Sancti Iuliani in iam
dicto territorio, cum terris et aquis coniuncte, ubi
predicta aecclesia edificata est, habente fines: ab una
parte terra et rivio, qui pergit per valle de Castanietu; de
alia parte rivia, qui dicitur de Malafide, et coniungit se
cum Fonte Vitola; et coniungit cum predicto rivio de
Castanieto.
Quam et donamus et concedimus in
predicto monasterio servos et ancillas nostras, qui ibidem
resident. Quam ob rem firmiter habeas iam dicte venerabilis
abbas et pars iam dicti monasteri atque rectoribus eidem
monasterii aliquando contradicatur, sed per hunc nostrum
preceptum hanc nostram donacionem et concessionem firmiter
valeant possidere.
Data Spoleto, in palacio, mense
magio, per indiccione prima.
|
